“Windows Phone” bazasida ishlovchi smartfonlardaYandex qidiruv tizimi - 30 Ноября 2011

Yandex kompaniyasi Nokia, Samsung, HTC va
Microsoft bilan tuzgan shartnomaga asosan,
Rossiya bozori uchun chiqariladigan "Windows
Phone” smartfonlarida boshlang‘ich qidiruvbing emas, Yandex qidiruvi bo‘ladi. Hozirda Yandex
qidiruvi "Samsung Omnia W”, "Nokia Lumia 800” va
"Nokia Lumia 710” smartfonlariga o‘rnatilgan.
Bundan tashqari, HTC kompaniyasining shu yil
kuzida taqdim qilingan "Titan”, "Mozart”, "Radar”
smartfonlariga ham o‘rnatiladi. Eslatib o‘tamiz, oktabr oyida "Samsung Bada” platformasi uchun
ham Yandex boshlang‘ich qidiruv tizimi sifatida
qo‘yilishi haqida shartnoma tuzilgandi.

Microsoft kompaniyasi global bozorda Yandex
qidiruvi bilan raqobat qiladigan Bing qidiruv
tizimiga ega. "Windows Phone 7” platformasida
chiqadigan barcha telefonlarda shu paytgacha
kompaniya o‘zining qidiruv tizimini o‘rnatar edi.
"NetMarketShare” hisob-kitobiga ko‘ra, mobil qurilmalar orqali qidiruvlarning bozordagi ulushlari
oktabr oyi uchun quyidagicha:

* Google — 91,14%
* Yahoo — 6,96%
* Bing — 1,11%
* Baidu — 0,45%
* Ask — 0,15%
* AOL — 0,01%
* boshqalari — 0,01%.

Bu borada Google kompaniyasi yetakchilik
qilayotgani tabiiy. Chunki, Google o‘zi ishlab
chiqaradigan Android va Apple kompaniyasi ishlab
chiqaradigan iOS operatsion tizimlaridagi
boshlang‘ich qidiruv tizimi — Google. Bozorning
asosiy qismini esa shu smartfonlar egallaydi.

"Windows Phone” bazasida ishlovchi smartfonda
Yandex qidiruv tizimi

Foto: Texnoblog.uz Rossiya internetida hozir Yandex qidiruv tizimi
yetakchilik qilyapti. Liveinternet statistikasiga
ko‘ra, oktabr oyida Yandex 51,3%, Google 34,8%
ulushga ega bo‘lgan.