Ҳозирда Осиёнинг бир қатор яшил майдонлари ёшлар ўртасидаги Осиё чемпионати-2012 учун саралаш баҳслари давом этмоқда.
“А” гуруҳида Саудия Арабистони ва Ироқ муддатидан аввал Осиё чемпионатига йўлланма олишган бўлса, бир қатор ўйинларда футболда камадан кам ҳолларда кузатиладиган ҳисоблар қайд этилди. Масалан, Саудия Арабистони вакиллари Мальдив ороллари термасини 11-0 га ютишган бўлса, ироқликлар шу жамоани 9-0 га ютишди. Аммо ҳақиқий сенсация Япония – Гуам термалари ўйинида қайд қилинди. Японияликлар рақиблари дарвозасига оз эмас, кўп эмас, 26 та гол киритишди. Юя Кубо 8та, заҳирадан майдонга тушган Шуто Минами эса 7 та тўп киритди. Яна икки футболчи хет-трикка эришди.
