APPLE АВСТРАЛИЯДА ЮТҚАЗДИ - 9 Декабря 2011

Австралия суди мазкур мамлакатда Samsung компанияси ишлаб чиқарган планшет компьютерларни сотишга тақиқни бекор қилди ва бу билан Apple компаниясининг даъвоси рад этилди. Ноябрь охирида Австралия суди Samsung ишлаб чиқарган Galaxy Tab 10.1 планшетларини сотишга рухсат берди. Маълумки, Galaxy Tab 10.1 Apple маҳсулоти бўлмиш iPadнинг асосий рақобатчисидир.
Apple компанияси Samsungни iPadни ўзлаштирганликда айблагач, корейслар ўз маҳсулотини Австралияда тўрт ой мобайнида сота олмади. Энди эса, Samsung хабарига кўра, Galaxy Tab 10.1 декабрь охирига қадар Австралия дўконларига чиқарилади.
Apple ва Samsung ўртасидаги тортишувлар шу йилнинг апрель ойидан бери давом этяпти. Компаниялар бир-бирини смартфонлар ва планшетлар ишлаб чиқаришда патентлардан фойдаланиш қоидаларини бузганликликда айбламоқда. Уларнинг даъволари ўнта давлат суди томонидан кўриб чиқилди.