Главная » 2012 » Mart » 5 » Qiz va bola o’rtasida do’stlik bo’lishi mumkinmi?
18:14
Qiz va bola o’rtasida do’stlik bo’lishi mumkinmi?
Do’stlik – bu ikki kishi o’rtasida o’zaro hurmat, ishonch, mehr hamda tushunish xissiyotlari asosida paydo bo’luvchi yaqin munosabatdir. Shunda bir savol tug’iladi, bu munosabat faqat bir jins o’rtasida mavjuda bo’la oladimi, yoki har xil jinslar orasida ham bo’lishi mumkinmikan? Inson bu savolga o’zining boshiga tushmaguncha javob bera olmas ekan. Qanchalik bunday tipdagi do’stlik bo’la olishini isbotlashga urinmayin, buning ilojisi yo’q deyishga hayotning ayrim saboqlari majbur qilmoqda.
Bir gapni men kimdirdan katta ishonch bilan aytilganini hech unutmayman. Qiz bola bilan o’gil bola do’stlashishining natijasi deyarli har safar biror bir tomonning sevib qolishigia olib keladi. Bu – hayot paradoksi, va shuning uchun buni tushuntirish juda qiyin ammo mening fikrimcha qiz va bola o’rtasidagi do’stlik aynan qadrdonlashib ketgandagina shunday sodir bo’ladi, ya’ni bunda ikki jinsdagi do’stlar bir birlarini yaxshi o’rganishadi, bir birlari bilan sirlashadi va naatijada o’rtada paydo bo’lgan sevgi juda kuchli bo’ladi. Sababi, bunda aynan ichki dunyo sevib qolinadi, nafaqat tashqi chiroy. Do’stlar bir birini qanday bo’lsa shunday qabul qilishadi, kamchiliklarini bila turib bir birini hurmat qilishadi, o’zaro haqiqiy tabiyatlari namoyish etiladi, va bu ikki tarafdan birining o’z do’stining ichki dunyosini sevib qolishiga olib keladi.
Ammo juda ko’p odamlar katta ishonch bilan, bunday do’stlik borligini o’zlarining hayotidagi misollari bilan isbotlashmoqchi bo’lishadi, hamda bunga chin ko’ngildan ishonadilar. Men ham shundaylar qatoriga kirardim. Haqiqatdan ham, ikki inson, biri qiz biri bola, bir biriga juda o’xshashadi, qiziqishlari bir, qadriyatlari o’xshash, nega endi bir biriga xuddi akadek, singildek, do’stdek munosabat qila olishmaydikan? - deb ko’plar qatori men ham o’ylardim. Ikkilovligining sevgan insoni bo’lsin, balki bo’lmasligi mumkin, ammo o’zaro do’stlik bo’lishi ilojisi borku, degan g’oyani ham ilgari surardim.
Endi esa men endi boshqacha o’ylayman, qanchalik bu haqiqatni tan olish qiyin bo’lmasin, endilikda qiz bola va o’gil bola o’rtasida do’stlik degan yaqin munosabat bo’la olmasligiga tushunib yetdim chunki bir qancha shunday do’stlarimdan ayrildim va bu men uchun katta yo’qotish bo’lgan. Do’stlar axir hayotdagi eng qimmatbaho hazina, ularning ichida haqiqiy olmoslarini topish oson ish emas, va ularni yo’qotib qo’yish, yoqtirib qolgan insonizni ayrilishdan ham kattaroq yo’qotish menimcha, axir har kuni u bu kimni yoqtirib qolishingiz mumkin, ammo haqiqiy do’stni uchratish juda kamdan kam uchraydi.
Xulosa shuki, hayot shunday tuzilgan, ikki jins o’rtasidaga yaqin munosabat – muhabbat, sevgi bo’lar ekan, ammo yaqin do’stlik bo’la olmaydi. Qarama qarshi jinsdagi tanishlar bo’lishi mumkin, ammo ular bilan do’stona yaqinlashgan sayin, buning natijasi – chin do’stlik emas, balki chin sevgiga aylanib ketar ekan…bunda eng achinarli tomoni shundaki, sevgi odatda faqat bir tomondagina paydo bo’ladi.
