XXI asr kutilganidan ham shiddatliroq suratlar bilan rivojlanib ketdi.Bundan 10 yil oldin uyali aloqa vositalaridan bitta qishloqda qo’l bilan sanab bo’ladigan darajada insonlar foydalangan bo’lsa, bugunga kelib shu qishloqdagi 70 yoshli otaxonu onaxonlar ham bir qo’lida aso, bir qo’lida "qo’l telefoni” bilan yurishibdi.
Musofirchilikdagi yaqinimizning ovozini eshitish uchun so’zlashuv maskanlarida soatlab navbat kutib turardik, hozir esa Madagaskardagi tanishimizga ham o’z uyimizdan turib aloqaga chiqa olamiz. Bundan xursand bo’lib, shunday kunlarga yetkazganiga, har tomonlama taraqqiy etgan zamonda yashayotganimiz uchun Ollohga shukronalar aytishimiz darkor. Biroq bugunga kelib uyali aloqa vositalarining ko’payib ketganligi to’g’risidagi gaplar ham "eskirdi”. Chunki endi o’sha chekka qishloqdagi alifni bilmaydigan yosh bolalar ham INTERNET sahifalaridan foydalana boshladi. Demak yana ham rivojlanyapmiz, yaqin 5 yil ichida o’sha chekka qishloqlarda ham avtomobillar uchsa (bunday avtomobillar allaqachon yaratilib bo’lingan) ajablanmaymiz. Uyali aloqa vositalari hayotimizga kirib kelishi orqali ishimiz aaaaaancha yengillashib, uzog’imiz aaaaaancha yaqinlashgan bo’lsa, INTERNET yanada ko’proq imkoniyatlar bermoqda. Buning uchun ham quvonishimiz, uning ustida tinmay izlanib xizmat qilayotgan shaxslarga tashakkurlarimizni aytishimiz kerak,ammo… Guruch kurmaksiz bo’lmaganidek, INTERNETning ham zararlarini bir tahlil qilib ko’rsak foydadan holi bo’lmasdi. INTERNETdagi ijtimoiy tarmoqlarda tanishuv sahifalarida hozirda millionlab insonlar bor! Shular orasida o'zbeklar ham katta qismni egallaydi, lekin faraz qiling: bu jamiyatda na qonun, na qoida bor, sababi bu saytni yaratganlar aynan manashu tartibsizlikdan foydalanishmoqda. Yuqorida ham takidlab o'tilganidek bu saytda kim nima qilsa, nima hohlasa qilyapti, hoxlasa qizlarni oldida og'zini ko'pirtirib, qo'lini charchatib so'kadi, qaysidir yosh qizlar "Klass" yig'ish uchun kerak bo'lsa ichki kiyimlarini ham tashlamoqda, buni ko'rgan jamoat yanada qiziqib boshqalarni taklif qilmoqda, ular orasida 12 yoshli qiz 30 yoshli bo'lib kirsa, 45 yoshli mo'ysafid 30 yoshli bo'lib kirib haligi qizaloqni avrash bilan band, bu sayt kimnidir uyiga qanday noxushlik olib kelyapti, kimgadir falokat, kimnidir xotini boshqasini eri bilan bemalol har qanday mavzuda gaplashsa, boshqasini eri hech rashk qilmay uni xotini bilan gaplashmoqda (Statistik malumotlarga ko’ra bir yilda Angliyada ajralishlarning uchdan ikki qismiga facebook ijtimoiy tarmog’i sabab bo’libdi). Bunga hamma o'z bilganicha qarab turibdi. Bu "botqoq" kundan- kunga kengayib, har soatda bir yoshni ma'naviyati va ma'rifatini domiga tortmoqda. Xo'sh bizchi, biz bunga "zamon rivojlanyapti, internet har bir xonadonga kirib boryapti” deb qarsak chalib qarab turibmiz. Qarab turaveraylik, unda ko'ramiz bugun 12 yoshli uka-singilllarimizni tortayotgan bo'lsa, ertaga 6 yoshlilarga ham navbat yetadi, ular turmushga chiqish tugul hali aqli yetmasdan turib pornografiyadan xabardor bo'ladi, tili chiqmay so'ka boshlaydi! Hechqisi yo'q unda ham kuzatishda davom etamiz, har holda insofni faqat o'zizmizga bersa bo'ldi, o'zgasi bilan umuman ishimiz yo'q. Shuning uchun yozayotgan har bir so'zimizni o'ylab yozaylik. Ertaga ko'chadayam, Ollohni oldidayam gapirgan gapimizga javob berishni o'ylaylik!!!!!! Shu o’rinda uylanish arafasidagi do’stlarimga bir maslahat. Agar uylanmoqchi bo’lsangiz qizlarni odnoklassniki, moy mir, facebook, ICQ, TV chat, mail agent, znakomstvadan qidiring, topolmasangiz-uylaning... |
