Главная » 2012 » Fevral » 11 » Dunyoda sport sohalaridan qancha daromad olinadi?
00:21
Dunyoda sport sohalaridan qancha daromad olinadi?
Dunyodagi eng mashur to‘rtta auditorlik kompaniyasidan biri hisoblangan " PriceWaterhouseCoopers” tomonidan o‘tkazilgan tadqiqotga ko‘ra, 2015- yilga kelib sport sohasidan olinadigan daromad 145 milliard dollargacha yetishi mumkin. O‘tgan 2010-yilda ushbu ko‘rsatkich 121 milliard dollardan oshgan edi. Bunda chiptalar savdosi, homiylik shartnomalari, o‘yinlarni translatsiya qilish huquqlarini sotish va chakana savdo ortidan tushgan daromadlar hisobga olingan. Auditorlik kompaniyasi bergan prognozlariga ko‘ra, sport sohasining tushumlari yiliga 3,7 foizga o‘sadi. Bunda eng katta o‘sish homiylik shartnomalari hissasiga to‘g‘ri kelmoqda. Eslatib o‘tamiz, "PriceWaterhouseCoopers” ma’lumotlariga ko‘ra, 2010-yilda sport sohasidagi homiylik shartnomalaridan deyarli 35 milliard dollar, sport tadbirlariga sotilgan chiptalardan esa 40 milliard dollar daromad olingan. Uchrashuvlarni translatsiya qilish huquqini sotish hamda sportga oid chakana savdo esa mos ravishda o‘rtacha 35 va 20 milliard dollar tushum keltiradi. 2014-yili Sochida bo‘lib o‘tadigan qishki Olimpiada o‘yinlari, shu yili Braziliyada o‘tkaziladigan futbol bo‘yicha Jahon kubogi-2014 bahslari, 2016-yili Rio-de-Janeyro (Braziliya) shahrida o‘tkaziladigan yozgi Olimpiada o‘yinlarini e’tiborga oladigan bo‘lsak, kelasi besh yil ichida sport sohasidan keladigan daromadning katta qismi BRIKS (Braziliya, Rossiya, Hindiston, Xitoy, Janubiy Afrika Respublikasi) davlatlari hissasiga to‘g‘ri keladi.