Аёл!

Бугун нега хомушсан?

Бир дона атиргул узатмадими, у?

Яна ёлгиз тунадингми?

Кадрингга ачиниб кўз ёш тўкяпсанми?

Саволлар кети узилмайди!

Кеча унинг дилини хира килгандинг... унинг
уйга келгиси хам йўк. Уйкуси хам бехаловат!
Ўзингдан ўтганин ўзинг биласан. Биласан-у,
хамиятинг букилишга йўл қўймайди. Унинг
ширин сўзларига эътиборсиз бўлдинг.
Овкатига яхши карай олмадинг. Унинг ишида муаммолари талай. Кайфияти йўқ. Турмуш
икир-чикирлари билан баттар унинг юрагини
сиқасан. Бола хархаша килади. Ўзи шу етмай
турувди! Унинг аччик гап-сўзлари, гохида
кичик-кичик хакоратларини эшитишга
токатинг йўқ! Ўзинг хам гап кайтарасан. Хона эшигини тараклатиб ёпасан. У остона хатлаб,
жахл билан кўчага отланади. Ёстикда ёлгиз
бошинг...Кўз ёшларингдан ёстик астари
нимикади...Ёлгизлик, фаросатсизлик...хаммаси
сени кийнай бошлайди. Ўзингдан кўра ундан
айб излашни афзал кўрасан! Дардингни хеч ким эшитмайди. Ойнага термуласан,
йиглайвериб ковокларинг шишиб кетибди, а?
Телефонни олиб, кимгадир дардингни тўкиб
солмокчи бўласан. Дунё дардларидан
безиллаб колган, юзини неча йиллик
ажинлар босган онангнинг калбини яна хуноб киласанми? "Ойижон...”. Шу биргина
мурожаат сени тинчлантиради. Болангни
багрингга бир бахя босасан. Мана, хаммаси
унут бўлди!

Юкоридаги саволлар пайдо бўлмаслиги
хакида яна бир бор ўйлаб кўр! Ахир, хаётда
бир марта яшайсан. Аёл бўлиб, гул бўлиб
яша!

Эркак!

Бугун аёлинг хакида неча марта ўйладинг?

Аёлингга уйингдан чикаётиб, бир дона ширин
сўз айтиб хайрлашдингми?

Яна бошка аёлдан кўнгилга малхам
изламокчимисан?

Килмишларинг хакида ўйлаб, ўйланяпсанми?

Саволлар кети узилмайди!

Ишингда муаммо кўп. Устига-устак,
аёлингнинг захардек туюлган гапларини
кеча тотгандинг. Хаммасига кўл силтамокчи
бўласан-у, яна шайтонга хай берасан. Уйга
ўлган кайфият билан кириб келасан.
Хушмуомалалик кутасан. Йўқ! Мазали таом билан ўзингни хурсанд килмокчисан! Йўқ!
ТВни ёкасан, кўришга арзигулик хеч нарса
йўқ! Бола хархашаси! Кулогингга пахта
бўлакларидан тикиб кўйсанг-у, хеч кандай
товуш асабингга тегмаса! У нималардир дея
алжирайди. Жахлинг куюшкондан чикиб кетади. Кўл кўтармокчи бўласан-у, яна
ўзингни босиб оласан. Кўз ёш килиб,
хонанинг эшигини тарк этиб ёпади... «Э, бор-
э...Кўнгилга малхам бу хонадонда йўқ!
Кўчадаги парилардан кўймасин!» Машинани
ўт олдириб, шахарни ёлгиз кезасан. Хаммаси кўзингга пайхонадек кўринади.
Килмишларинг хакида ўйлайсан...
Телефонинг жиринглайди. Уфф, яна унинг
овозими?... Мажбуран телефонни кўтарасан.
"Дадажон...”. Шу биргина мурожаат рулни
оркага буришга мажбур этади. Келгунча, у учун ширин сўзлар ўйлаб толикасан... Эшик
олдида каттик хаяжондасан.
"Кечир”...”Кечиринг...” бир бахяда отилиб
чикади. Уни багрингга босасан.

Юкоридаги саволлар пайдо бўлмаслиги
хакида яна бир бор ўйлаб кўр! Ахир, хаётда
бир марта яшайсан. Эркак бўлиб, мард бўлиб
яша!